Ngokutshona kwelnga layizolo iCovid 19, ibulele abantu abangamatshumi phose ayisithupha-59. Kuthi abantu abaphose bafike inkulungwane eyodwa-912, batholakale belegcikwane leli, kubika abogatsha lwezempilakahle.
Babikwa sebesedlula kancane inkulungwane ezingamakhulu athobaminwemibili- 895,980, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele, njalo sebezinkulungwane phose amakhulu ayisithupha-595,417, asebehlatshwe ijekiseni yesibili.
Ngesikhathi inani labatholakala belobhubhane lweCOVID-19, abenhlangothi ezitsheiyeneyo abasebenzisana lozulu baxwayiswa uhulumende ukuba asebenzise indlela ezitholisa ulwazi olufaneleyo kuzulu phezu kobhubhane lwe COVID-19 hatshi ezidida abantu inqondo.
Ugatsha lwezempilakahle lumanyene leBulawayo City Council lamhlanje ukusungula uhlelo lokuhlaba ijekiseni eyeCovid 19 Vaccine, abantu abaleminyaka elitshumi lasitshiyangalombili-18, kusiya phezulu, emakilinika akoBulawayo njalo lohlelo lokuhlaba abathengisayo luqhubekela phambili.
UMongameli Emmerson Mnangagwa ukhuthaza uzulu weZimbabwe ukuba aqhubeke ehlatshwa ijekiseni eye Covid-19 Vaccine, esithi ubhubhane lolu luqhubeka ludala umonakalo omkhulu elizweni. Lokhu ukutsho emngcwabeni wamaqhawe amabili eNational Heroes Acre, uCommander Edzayi Chimonyo lo Michael Chakabva. Iqhawe lesithathu uMnu Abraham Nkiwane uncwatshwe eplazini lakhe eMguza.
Umumo uqhubekela phambili usiba mubi kweleSouth Africa lapho abanye babaqale betshengisela besithi kakhululwe owayengumongameli walelo lizwe, uJacob Zuma asebecine bedala umonakalo wokuqhekeza ezitolo.
Abalandeli bomdlalo wenguqu bayakhonona kakubi ngomqeqetshi weqembu lesizwe, ele Zimbabwe Warriors, uZdravko Logarusic, ngokungadlali kuhle kwaleli qembu.
Ku Livetalk namhlanje sikhangela ukuqansa kwenani lasebebulawa lokubanjwa bele Covid 19 eZimbabwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.