Ekutshoneni kwelanga, langoMvulo inani labakade sebefunyenwe beleCovid 19, eZimbabwe beselidlula inkulungwane eyodwa-1,034. Leli nani lengezwe ngabantu abangamatshumi phose amahlanu-49, abatholakale belegcikwane leli.
Izakhamizi zakoBulawayo zikhuluma kabanzi ngodubo ezibhekane lazo olwamanzi kuthi ikhansili layo iqhubekela phambili icwayisisa ngokuxathuka komzimba kulabo abasinde kusihudo abasithole ngemva kokunatha amanzi angcolileyo ahlangene lalawo aphuma ezambuzini.
Udubo lokungamukelwa kwemali yohlobo lwama bond notes ngu zulu luyaqhubeka elizweni, luphaxsmisa ukuqutshwa kwezamabhizimusi lanxa uhulumende esithi usebophe abedlula amakhulu amabili abala ukwamukela imali yohlobo lolu.
Selubavathuza uvalo abeZimbabwe ngemva kokuba isabelo seGauteng esilabeZimbabwe abanengi sekuyiso esihlaselwe kakubi yiCoronavirus ukwedlula zonke izabelo elizweni.
Ku Livetalk namhlanje kuhlelo “The Connection” siqhubekela phambili sikhangela umonakalo osudalwe yikuqhamuka kweCovid 19 ngesikhathi inani lasebetholakala belegcikwane leli liqansa eZimbabwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…
Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.