amalinks wokungena

Breaking News

Inhloko zeNdaba Ntulikazi 15, 2019


Inhloko ZeNdaba
Inhloko ZeNdaba

Endabeni zethu lamhlanje ……………..

********** Amalunga ayisitshiyagalombili awekhomishini ebona ngezenkohlakalo eyeZimbabwe Anti-Corruption Commission (ZACC) afungiswe ukuqala umsebenzi namhlanje. Okhomishina laba bafungiswe nguMongameli Emmerson Mnangagwa esigodlweni sakhe ese State House.

****** Ummeli weMelika eZimbabwe, uAmbassador Brian Nichols usole ukuhlukunyezwa okwenziwe umpathintambo wezobudlelwano be Zimbabwe lamanye amazwe womhlaba umnumzana Sibusiso Moyo eseLondon kweleBhilithani ethi kuveza ukuthukuthela kwabantu ngokwenzakala elizweni.

************ Abafundi beMahlothova Secondary School esisemangweni weMguza District eMatabeleland North, sebesungule uhlelo lokuthunga imvunulo yokuvitsha uma omama lamantombazana besesikhathini amasanitary pads, alakho ukugeziswa asetshenziswe njalo nje kulandela ukuqansa kwentengo yalawo asetshenziswa kanye alahlwe.

********** Likhe phansi namhla iqembu lomdlalo wokuqaga elimela ilizwe emncintiswaneni wezizwe zomhlaba oqhutshelwa kwele Ngilandi kulezinsuku.

********** KuLiveTalk namhlanje sikhangela ukuqala umsebenzi kwamalunga ekhomishini ebona ngendaba zenkohlakalo eye Zimbabwe Anti-Corruption Commission – ZACC. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.

XS
SM
MD
LG