amalinks wokungena

Breaking News

Inhloko ZeNdaba Ntulikazi 19, 2021


Inani labantu ababulawe yiCovid 19 eZimbabwe ngokutshona kwelanga layizolo babe ngamatshumi amathathu lane-34 Kuthi abantu abayinkulungwane eyodwa lasithupha-1,006, batholakale belegcikwane leli, kubika abogatsha lwezempilakahle.

Odokotela abedlula amatshumi ayisithupha sebatholakale belomkhuhlane weCOVID kumaviki amabili adluleyo okuyisimo esesisenza isibhedlela singasebenzi ngendlela eqondileyo. Lokhu kwenzakala ngesikhathi inani Labantu abatholakala belegcikwane leli liqansa okwamagama elizweni lonke jikelele.

Ingcitshi zezempilakahle ezenhlananiso yomanyano wamazwe womhlaba eye World Health Organization(WHO), zithi amajekiseni okuvikela iCovid-19 agoqela lawo asetshenziswa kwele Zimbabwe, avela kweleChina lakwele India, ayavikela emkhuhlaneni lo lakumkhakha omutsha oza ngolaka oweDelta.

Babikwa sebesedlula kancane isigidi esisodwa-1,144,379 abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele, njalo sebezinkulungwane ezingamakhulu edlula ayisithupha-641,154, asebehlatshwe ijekiseni yesibili.

Umongameli Cyril Ramaphosa weSouth Africa ubhoda-bhode eKwaZulu Natal namuhla ehlolisisa umonakalo emavinkilini kulandela udlakela oluqhamuke kulelolizwe ngemva kokubotshwa kukaMnu. Jacob Zuma.

Odokotela bamazinyo bathi abantu be Zimbabwe kumele babe lomkhuba wokuqakathekisa ukuhlolwa amazinyo kanye loba kabili ngomnyaka lalapho amazinyo engabuhlungu, hatshi ukuvela sebebhekane lohlupho kuphela.

Aya elokhu encipha amathuba eqembu elimela ilizwe le Zimbabwe emdlalweni kakhilikithi awokuyadlala kumncintiswano wezizwe zomhlaba ozakuba khona ngomnyaka ka2023.

Ku Livetalk namhlanje sikhangela ukuqansa kwenani lasebebulawa lokubanjwa bele Covid 19 eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG