amalinks wokungena

Breaking News

Inhloko zeNdaba Ntulikazi 2, 2019


Inhloko ZeNdaba

Endabeni zethu lamhlanje ……………..

****** Uzulu uveza ukhathazeka kakhulu ngogwalo olwethulwe nguAuditor General olulempumela etshengisa ukutshaphazwa kwemali ngamankampani kahulumende. Inengi likhuthaza uhulumende ukuthi asungule ikhomishini ezacubungula ubusela obenziwa emankampanini la njalo bonke abazatholakala bephule umthetho babotshwe.

********** Ikhansili yakoBulawayo ibike ukuba isake ivalele izakhamizi zalelo dolobho amanzi okwamalanga amane alandelayo, kusukela lamhlanje ukuze kulungiswe i-injini zempompi ezihlambulula amanzi eCriterion Water Treatment Plant.

********** Abaphatheka emsebenzini wama Insurance babe lomhlangano wokudinga indlela zokuthuthukisa inhlelo zama insurance ezingafinyelelwa nguzulu kabanzi kulandelwa izinqumo zikahulumende zeFinancial Inclusive Strategy kulumsebenzi.

************ Ingcwethi zezenotho zihlaziya ukuthi macebo bani anganceda ukuhlenga iZimbabwe enkingeni ekizo okudalwa luhlupho lwemali engatholakali emabhanga.

********** KuLiveTalk namhlanje kuhlelo lwabasakhulay olwe “The Connection” sikhangela ukudlala okwenze iqembu elimela iZimbabwe emdlalweni wenguqu elamaWarriors emncintisweni oweAfconlapho elihle laphunyiswa lingakayi landawo. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.

Facebook Forum

XS
SM
MD
LG