amalinks wokungena

Breaking News

Inhloko ZeNdaba Ntulikazi 20, 2021


Abogatsha lwezempilakahle babika ukuba uhlelo lokuhlatshwa kwabantu ijekiseni eyeCovid 19 Vaccine, luhamba kuhle lobanje izibhedlela ziqhubeka zibhekane lobunzima ngesikhathi eleZimbabwe lihlaselwe ngolaka ngumkhakha omutsha wegcikwane leDelta Variant.

Kunje inani labantu ababulawe yiCovid 19 eZimbabwe ngokutshona kwelanga layizolo babe ngamatshumi ayisikhombisa lanhlanu-75. Abantu abedlula inkulungwane ezimbili – 2,113, batholakale belegcikwane leli.

Babikwa sebesedlula kancane isigidi esisodwa-1,184,435 abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele, njalo sebezinkulungwane ezingamakhulu edlula ayisithupha-643 203, asebehlatshwe ijekiseni yesibili.

Ngokuqansa kwe nani labantu asebebanjwa ngumkhuhlane we Covid-19, uhulumende weZimbabwe uthi uzasebenza lamankampani azimeleyo ukuthenga ijekiseni lokuzivikela eleVaccine.

Uhulumende uthi inani lezisebenzi zakhe ezizakuya emsebenzini kuzamele lingedluli abayisilinganiso sokulitshumi ekhulwini njengedkela yokwehlisa amathuba okubanjwa ligcikwane le coronavirus.

Uhulumende uthi useyabele abantwana bemaphandleni ama radio afika inkulungwane ezingamakhulu amabili- 200 000 awokubafundisa ngesikhathi izikolo zivaliwe ngenxa yeCOVID 19.

Luyaqhubeka uhlelo lokuzingelwa kwempahla ezitshontshwe ezitolo kweleSouth Africa ngesikhathi sodlakela olusanda kwedlula kanti amapholisa athi ezinye zalezi impahla zitholakale emabhasini alubhekise eZimbabwe.

Ku Livetalk namhlanje kuhlelo “The Connection” sixoxa labatsha besipha imibono yabo ngokuqhubeka kohlelo lokuhlatshwa kwabantu ijekiseni eye Covid 19 Vaccine, eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG