amalinks wokungena

Breaking News

Inhloko ZeNdaba Ntulikazi 21, 2020


Lokhu liqansa inani lasebetholakala beleCovid 19, abangazake baphume eZimbabwe. Ekutshoneni kwelanga langoMvulo besokuhlolwe kwatholakala abantu abedlula ikhulu-102 belegcikwane leli. Lokhu kukhuphule inani lasebefunyenwe beleCovid 19, eZimbabwe, kwabazinkulungwane phose ezimbili-1,713.

Izisebenzi eziqakathekileyo ekulwisaneni lomkhuhlane we Covid-19, yizo zodwa esezivunyelwa ukungena enzikini yedolobho leHarare. Lokhu kubikwa kusenziwa ngenjongo yokwehlisa inani labantu abathelelwa umkhuhlane we coronavirus, kodwa uzulu yena uthi lokhu kumele kwaziswe ngaphambilini hatshi ukuhi abantu baphonguvuka sokuthiwa abasemelanga bangene edolobheni.

Ukukhuphuka kwenani labantu asebefunyenwe beleCoronavirus koBulawayo sekutshiye izakhamizi zalelidolobho zikhathazekile kakhulu. Abenhlanganiso yeBulawayo Progressive Residents Association, bathi indlela abantu abasemalokitshini abaziphatha ngayo iyethusa ngoba benganaki iziqondiso zokuvimba ukumemetheka kwaleli gcikwane.

Intengo yempahla emavinkilini iqhubekela phambili iqansa mihla ngemihla, ngakhoke uzulu uthi abomthetho kumele bangenele ekuqondiseni intengo yezinto ezimqoka empilweni yakhe nsuku zonke.

Ku Livetalk namhlanje kuhlelo “The Connection” uMike Hove uqhubekela phambili ekhuluma labatsha ngokuqansa kwenani labantu asebefunyenwe belegcikwane leCovid 19 eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG