amalinks wokungena

Breaking News

Inhloko ZeNdaba Ntulikazi 21, 2021


Uzulu wamukele ngemibono ehlukile uhlelo oluvumela ukuthi izibhelela ezizimeleyo zihlabe ijekiseni eyeCovid 19 Vaccine, ngoba uzulu uzabe ehlawula amadola akuleli edlula amakhulu amane $434-35 yejekiseni lekamongi ozahlaba edlula amakhulu amabili-$220-64.

Kunje Inani labantu ababulawe yiCovid 19 eZimbabwe ngokutshona kwelanga layizolo babe ngamatshumi amanhlanu-50 Kuthi abantu abedlula inkulungwane ezimbili - 2 683, batholakale belegcikwane leli, kubika abogatsha lwezempilakahle. Babikwa sebesedlula kancane isigidi esisodwa-1, 447 469 abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele, njalo sebezinkulungwane ezingamakhulu edlula ayisithupha-649,843, asebehlatshwe ijekiseni yesibili.

Uhulumende ukhuthaza izisebenzi zakhe ukuba zihlatshwe ijekiseni lokuzivikela kuCOVID-19 ngoba nxa zingasenzanga njalo, aziyi kuthola sizo lokwelatshwa lapho zithe zagula lumkhuhlane. Inyathelo likahulumende leli lisolwa ngabenhlanganiso emela izisebenzi eye Zimbabwe Congress of Trade Unions, abathi lephula amalungelo oluntu.

Abahlali bedolobheni lakoBulawayo bathi izititshi ezithwala ingcekeza yezambuzi zihlezi zidubukile okuyingozi kwezempilakahle.

Izizalwane zeZimbabwe kweleSouth Africa zithi zihlukunyezwe kakhulu ludlakela olwenzakale kweleSouth Africa kumaviki asanda kwedlula kulandela ukubotshwa kwalowo owayengumongameli umnumnzana Jacob Zuma.

Ku Livetalk namhlanje kuhlelo “Diaspora Forum” sikhangela okwenziwa yizizalwane zeZimbabwe esezihlala emazweni.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG