Endabeni zethu lamhlanje ……………..
****** UMayor wedolobho lakoBulawayo uMnu. Solomon Mguni ledale lamakhansila aseleminyaka ekulumsebenzi ele Elderman's Forum baveza imibono yabo ngequla elathunyelwa nguHulumende ukuzokwenza uphenyo ndodaba lokuxotshwa kukaMabhalane omkhulu wekhansili, uTown Clerk, uMnu. Christopher Dube.
********** Ingcwethi zezenotho zihlaziya ukukhuphulwa okwenziwe intengo yamafutha ezimotha okuzahle kubangele ukukhuphuka kwentengo yemphahla yonke elizweni.
********** Abenhlanganiso yabalisi bemaphandleni eye Amalgamated Rural Teachers Union of Zimbabwe (ARTUZ) namhlanje basungule imfundiso yenhlelo zemisebenzi yezandla etshiyeneyo engenziwa ngababalisi kanye lokuzivulela amabhizimusi abo.
************ Abathenga imphahla ngaphandle kwelizwe bethengisa eZimbabwe bathi ukumiswa kokusetshenziswa kwemali yakwamanye amazwe, okugoqela idola leMelika sekudale ukwehla kwenzuzo kubhizimusi labo.
********** KuLiveTalk namhlanje kuhlelo lwabasakhulayo olwe ‘The Connection’ uMike Hove weStudio 7 uxoxa labasakhulayo abathola ithuba lokuza eMelika phansi kohlelo lweMandela Washington Fellowship. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.