Abenkampani yencingo eye TelOne sebeme ukuhlawula izisebenzi imali zamaCOVID-19 allowances, ezingakalihlatshwa ijekiseni lokuzivikela kugcikwane leli. Lelinyathelo lisolwe kakhulu zingcwethi kundaba zezisebenzi.
Inani labantu ababulawe yiCovid 19 eZimbabwe ngokutshona kwelanga layizolo babe ngamatshumi ayisithupha lanye-61. Kuthi abantu abedlula inkulungwane ezimbili – 2,301, batholakale belegcikwane leli, kubika abogatsha lwezempilakahle.
Kuthi abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele, sebesedlula kancane isigidi esisodwa-1,352,154 njalo sebezinkulungwane ezingamakhulu edlula ayisithupha-664,587, asebehlatshwe ijekiseni yesibili.
Amalunga edale le phalamende bakhala lozulu weZimbabwe ngokubhubha kwentathelizindaba ezimbalwa ezigoqela uSandra Nyaira, Saul Gwakuba Ndlovu labanye.
Imidlalo yamaOlympics isungulwe okusemthethweni namuhla kwele Japan. I Zimbabwe imelwe ngabadlali abahlanu emidlalweni yalonyaka.
Kuliviki kuWoza Friday silomculi wengoma zomdumo oweTshibilika, uVusa Sibanda odume ngegama lokuthi ‘Nkunzi Yesilanke’.
Ku Livetalk namhlanje sikhangela ukuqhubeka kokuqansa kwenani lababanjwa beleCovid 19 lasebebulawa yileli gcikwane eZimbabwe .
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.