Endabeni zethu lamhlanje ……………..
********** Amapholisa awe Zimbabwe Republic Police abike ukuba aselungele ukulondoloza ukuthula elizweni ukuze kuqhutshwe ukhetho olungela dlakela.
************* Ngesikhathi kulokuphithizela eZimbabwe abezombusazwe bekhankasela ukuthola usekelo kukhetho lwalonyaka, ingcwethi kwezenotho zithi kuyadingakala ukuthi kuvuselelwe umkhuba wokulondoloza imali elizweni engasetshenjiswa ukwakha umnotho welizwe.
************* Umqondisi wenhlanganiso ebona ngokuphathisa ngoncedo lokudla emhlabeni jikelele eye World Food Program, uMnu. David Beasley uthi kulabantu abedlula izigidi ezimbili kwele Zimbabwe abalakho ukubhekana lodubo lwendlala lonyaka.
************* Kwezemidlalo …… Abafana beqembu elimela iZimbabwe emdlalweni wenguqu esigabeni sabaphansi kweminyaka elitshumi lasikhombisa abe Young Warriors bakhanya bengadlali kuhle emncintisweni owe Under 17 COSAFA Cup oqhutshelwa kwele Mauritius..
********** KuLiveTalk lamuhla kuhlelo lwabasakhulayo olwe “The Connection” sinika abancintisa kukhetho lwalonyaka ithuba lokucathekela abalaleli abazakwenzela uzulu nxa benganqoba. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.