amalinks wokungena

Breaking News

Inhloko ZeNdaba Ntulikazi 26, 2021


Amaporofitha abalisa uEmmanuel Makandiwa ayekhuthaza ukuthi abantu bengahlatshwa ijekiseni yeCovid 19 sebekhuthaza uzulu ukuthi ahlatshwe ngenxa yokuqonga kwabahlaselwa ligicikwane leli.

Abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele, sebesedlula isigidi esisodwa-1,438,890 njalo sebezinkulungwane ezingamakhulu phose eyisikhombisa-677,774, asebehlatshwe eyesibili.

Ikhansili yakoBulawayo isisehluleka ukulungisisa izititshi zamanzi angcolileyo aphuma kuzambuzi, esezidubuka ndawana yonke edolobheni leli ngoba inengi lezisebenzi kulolu hlangothi zisemakhaya zihlaselwe yiCovid-19.

Izizalwane zeZimbabwe kweleSouth Africa sezemukele ngenjabulo ukuyekethiswa kwemigoqo ehlose ukuvimba ukumemetheka kwecoronavirus. Lokhu kwaziswe nguMongameli Cyril Ramaphosa izolo esithi ilizwe selisuke kusibanga sikaLevel 4 sisehla ukuya kuLevel 3 sakulezi ziqondiso.

EleBotswana lamuhla lithumule amasotsha aphose afike amakhulu amathathu ukuthi ayelwisana labomalwa becatsha esabelweni seCabo Delgado kwele Mozambique. Umongameli Mokgweetsi Masisi uthi indleko zokuthumela amabutho eMozambique, yinhlanganiso yeSADC, zizaphuma ezikhwameni amazwe angamalunga enhlanganiso le.

UPeter Wetzlar, omele eleZimbabwe emidlalweni ye2020 Tokyo Olympic Games kumncintiswano wokubhukutsha owe-100 meter freestyle, ukhangelelwe ukuba uzangqikilana labanye kusasa kwele Japan.

Ku Livetalk namhlanje sikhangela ukuqhubeka kokuqansa kwenani lababanjwa beleCovid 19 lasebebulawa yileli gcikwane eZimbabwe .

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG