amalinks wokungena

Breaking News

Inhloko ZeNdaba Ntulikazi 27, 2020


Sebezinkulungwane ezedlula ezimbili lengxenye-2,512, asebefunyenwe beleCovid 19, eZimbabwe. Asebesinde kuleli gcikwane lokhu bengamakhulu edlula amahlanu-514, labulala abangamatshumi amathathu lane-34.

Izakhamizi zakoBulawayo ezivele zibhekane lodubo lwamanzi zikhala ngolunye njalo udubo lokutshona ziwalayinele ezibholaneni zisondelelene duze laduzane okulakho ukumemethekisa igcikwane leCovid -19 ngalesi sikhathi idolobho lihamba phambili ekubeni lenani elikhulu labatholakala belegcikwane leli eZimbabwe.

Abongi bathi isinqumo sokusebenzisa isibhedlela seUBH ukuthi sinakekele izigulane eziphethwe yiCOVID-19 sibafaka engozini ngoba kungatshengisi ukunakekelwa kwabo.

Idale lephalamende limiswa ukusebenza ngemva kokutholakala kwemalunga amabili aleli dale, isisebenzi esisodwa kanye lentathelizindaba eyodwa asebetholakale belegciwane le COVID-19.

Ku Livetalk namhlanje siqhubekela phambili sikhangela umonakalo osudalwe yikuqhamuka kwegcikwane leCovid 19 eZimbabwe lasemhlabeni jikelele.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG