amalinks wokungena

Breaking News

Inhloko ZeNdaba Ntulikazi 28, 2020


Sebezinkulungwane phose ezintathu-2,704, asebefunyenwe beleCovid 19, eZimbabwe. Asebesinde kuleli gcikwane sebengamakhulu edlula amahlanu-542, labulala abangamatshumi amathathu lasithupha-36.

Uhulumende weMelika uthi usebize umeli weZimbabwe eWashington ukuthi azechasisa ngamazwi esikhulumeli seZanu PF uMnu Patrick Chinamasa yena othe umeli weMelika eZimbabwe uMnu Brian Nichols yisidlova esiphehla ukungahlaliseki eZimbabwe. Unobhala obona ngobudlelwano beMelika lamazwe eAfrica uMnu Tibor Nagy uthi iMelika izizwa ikhathazekile ngokuthukwa nguChinamasa.

Izakhamizi zedolobho lakoBulawayo zibhekane lodubo lokusilela kwemali emabhanga osekubangela ukuba batshone belayinele imali besondelelene okulakho ukumemethekisa igcikwane leCovid -19 ngalesi sikhathi idolobho leli, lihamba phambili ekubeni lenani eliphezulu lababanjwe belalo elizweni jikelele.

Ibandla leMDC Alliance selisole amapholisa wona athi adinga amalunga alo agoqela uMnu Job Sikhala phezu kokutshengisela okuqoqwayo mhlaka 31 kulinyanga. Ibandla leli lithi amapholisa azama ukubopha amalunga alo nje ewahlukuluza.

Ingcitshi ezicubungula ezombusazwe, uzulu labamabandla aphikisayo, bethuswa ngamazwi ethulwe nguMnu Patrick Chinamasa isiphathamandla se Zanu-PF awokuthi ibandla elibusayo lizatshaya abantu abazatshengisela ngoLwesihlanu.

Ku Livetalk namhlanje siqhubekela phambili sikhangela umonakalo osudalwe yikuqhamuka kwegcikwane leCovid 19 eZimbabwe lasemhlabeni jikelele.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG