amalinks wokungena

Breaking News

Inhloko ZeNdaba Ntulikazi 28, 2021


Uhulumende useqhelise isikhathi sokuvalwa kwelizwe, phansi kwezindiso zokumelana leCovid 19, eze Level 4 Lockdown. Uhulumende uthi kodwa ilizwe kalilungele ukuvulwa kwezikolo njalo abazali ukuba bamncedise ekuthengeni impahla yokuzivikela kuCovid-19. Lokhu sekuhle kwadala ukuba uzulu athandabuze ukuzilungisela kukahulumende okuphathelane lokuvulwa izikolo.

Kuphetha usuku lwayizolo abantu abakade sebehlabe ijekiseni yokuqala bebe sebephezu kwesigidi lengxenye (1,522,150), kuthi asebehlabe ngokugcweleyo sebephosa bafike kunkulungwane ezingamakhulu ayisikhombisa (694,685).

Umongameli Emmerson Mnangagwa usebumbe ikhomithi ekhokhelwa ngusomabhizimusi uMnu. Phillip Chiyangwa ukuthi idingele ibandla labo leZANU PF imali eyizigidi ezingamatshumi ayisitshiyagalolunye 90 million dollars eyokukhankasela ukhetho luka 2023.

Umthethwandaba waphezulu kweleBotswana usudlulisele phambili udaba lweziphepheli zeZimbabwe ezilwisa ukuthi zingaphindiselwa ekhaya. Iziphepheli ezinhlanu zahambisa uhulumende weBotswana emthethwandaba zisithi akumelanga zibuyiselwe eZimbabwe ngoba zibhekane lokuhlukuluzwa uma zingaphindela.

Ku Livetalk namhlanje kuhlelo ‘Diaspora Forum’ sikhangela okwenziwa yizizalwane zeZimbabwe esezihlala kwamanye amazwe..

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG