amalinks wokungena

Breaking News

Inhloko ZeNdaba Ntulikazi 29, 2020


U-Retired Air Chief Marshal Minister Perrance Shiri, obengumpathintambo wezokulima kuhulumende weZimbabwe akasekho. Embikweni wendunduzo uMongameli Emmerson Mnangagwa uncome umuyi esithi ubeliqhawe.

Sebephose bafike inkulungwane ezintathu-2,817, asebefunyenwe beleCovid 19, eZimbabwe. Asebesinde kuleli gcikwane sebengamakhulu edlula ayisithupha-604, labulala abangamatshumi amane-40.

Amalunga amabandla aphikisayo labalwela amalungelo oluntu, bakhala ngokuhlukuluzwa lapho sokusele insuku ezimbili ukuthi ukutshengisela kuka mhla ka 31 Ntulikazi kwenziwe.

Izizalwane zeZimbabwe zithi umthetho omutsha wokuvimba imingcele kweleSouth Africa awusoze wenqabele ukungena kwabantu ngokungekho emthethweni kweleSouth Africa nxa isimo sezomnotho singalungiswanga eZimbabwe.

Abanye babalimi abamhlophe abahluthunelwa amaphulazi abo ngesikhathi sombuso kaMnu Robert Mugabe balobelane isivumelwano sokuhlawulwa amabillion edlula amathathu amadola eZimbabwe.

Ku Livetalk namhlanje siqhubekela phambili sikhangela umonakalo osudalwe yikuqhamuka kwegcikwane leCovid 19 eZimbabwe lasemhlabeni jikelele.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG