Uzulu we Zimbabwe uthi ukhathazekile ngokwehluleka kukamphathintambo wezemali uProffessor Mthuli Ncube, embikweni wakhe wendleko zikahulumende waphakathi komnyaka we Mid-Term Budget Review awethulele uzulu izolo, ukutsho ukuba bazosizwa kanjani abayanga ngalesi sikhathi sobhubhane lwe COVID-19 lapho inengi labaphila ngokuzisebenza selisidla ingqweqwe zomlomo.
Kuphetha usuku lwayizolo inani lababulewe yiCovid 19 e Zimbabwe beselikumatshumi athoba minwemibili lanye(81), abazinkulungwane eziphezu kwezimbili(2,089) batholakala belegcikwane leli.
Okwamanje asebehlatshwe ijekiseni yakuqala yokuzivikela kuleli gcikwane bebe sebephezu kwesigidi lengxenye (1,593,656), kuthi asebehlabe ngokugcweleyo sebesedlula inkulungwane ezingamakhulu ayisikhombisa (730,378).
Abatshayeli labanini bamakhombi bayatshengisela ko Bulawayo ngokungavunyelwa ukusebenza phansi kwemigiqo yokwenqabela ukumemetheka kwegcikwane le coronavirus.
Umdlali wakwele Zimbabwe omele ilizwe emncintiswaneni we golf kumidlalo ye 2020 Summer Olympics eqhutshelwa elizweni lase Japan uScott Vincent ukhuphuke wayahlala kundawo yamatshumi amathathu lane ngosuku lwesibili lomncintiswano.
Kuhlelo Woza Friday namuhla silomculi wezokholo osacathulayo uAlothi Tshuma ehamba leqembu lakhe leGold Brothers.
Ku Livetalk namhlanje sikhangela ukuqhubeka kokuqansa kwenani lababanjwa beleCovid 19 lasebebulawa yileli gcikwane eZimbabwe .
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.