amalinks wokungena

Breaking News

Inhloko ZeNdaba Ntulikazi 31, 2020


Ugatsha lwezempilakahle lubika ukuba abantu abedlula amakhulu amabili abatholakale beleCovid 19, eZimbabwe, kwabahlolwe izolo, bakhuphule inani leli laya kunkulungwane ezedlula ezintathu-3,092.

Abaqoqi bomkhankaso we 31st July Movement wokukhuthaza ukuqedwa kwemisebenzi yenkohlakalo bathi uphemelele okwamagama nxa kukhangelwa ukwenza kukahulumende labezomvikela emadolobheni ilizwe lonke okugoqela eleHarare lapho abakade evimba khona uzulu ukuba angangeni emadolobheni.

Uzulu wakoBulawayo uhlala ezindlini ngokuthula ngemva kokuvinjwa ukuhambahamba ngabezomvikela.

Amapholisa labebutho bavimbe izakhamizi zeGwanda ukuthi zingene edolobheni lamhlanje ngelanga lokutshengisela okudale ukuthi uzulu ahlale emakhaya.

KuWoza Friday namuhla silomhlabeleli werhumba uMr. Bones, yena osanda kwethula ingoma esola ukuhlukuluzwa kwabesifazana ngabesilisa ezindlini.

Ku Livetalk namhlanje sikhangela okwenzakala elizweni.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG