amalinks wokungena

Breaking News

Inhloko ZeNdaba Ntulikazi 5, 2021


Ingcitshi zezempilakahle kwele Zimbabwe lozulu jikelele baveza ukukhathazeka ngokuqansa kwenani labantu asebebanjwe yiCovid-19, ikakhulu umkhakha omutsha obizwa ngokuthi yiDelta obikwa ususidla ubhedu uvelela ngaseSouth Africa.

Sebebanga kunkulungwane ezingamakhulu phose athobaminwemibili- 793,077, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezedlula amakhulu amahlanu-568,133, asebehlatshwe ijekiseni yesibili kubika abogatsha lwezempilakahle.

Ngokutshona kwelanga layizolo, abantu abaphose bafike inkulungwane eyodwa-809, batholakale beleCovid 19, leli gcikwane labulalala abalitshumi lathobamumwemunye-19.

Inhlanganiso yeZimbabwe Civil Society Organization Scaling Up Nutrition Alliance, yona esebenza logatsha lwezempilakahle isikhuthaze uzulu ukuthi atholise abantwana ukudla okwakha umzimba okugoqela uchago lukamama ukuze bondleke kuhle.

Iqembu labesilisa elimela ilizwe emdlalweni wenguqu elaziwa kakhulu ngegama elithi Zimbabwe Warriors liphakame namhla ekuseni lilubhekise kwele South Africa lapho eliyaphatheka khona kumncintiswano walonyaka owenkezo ye COSAFA.

Ku Livetalk namhlanje kuhlelo sikhangela ukuqansa kwenani lasebebulawa yiCovid 19 kanye labafunyanwa belegcikwane leli eZimbabwe ngendlela ethusayo.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG