amalinks wokungena

Breaking News

Inhloko ZeNdaba Ntulikazi 8, 2020


Kulabantu abangamatshumi amahlanu lantathu-53, abahlolwe ngoLwesibili abatholakale beleCovid 19, osekukhweze inani lasebefunyenwe belegcikwane leli kwabangangamakhulu edlula ayisikhombisa-787.

Unina womkhokheli webandla leMDC Alliance, uMnu Nelson Chamisa, obhubhe ngoMvulo, ubekiwe emzini wakhe koGutu namuhla. UNkosikazi Thokozani Khupe ubikwa ebesaliswa ukungena ngakoChamisa ngabasekeli beAlliance kodwa kwasokungenela yena uChamisa.

Lanxa abanengi besamukela ukuxotshwa umsebenzi kukamphathintambo wezempilakahle uMnu Obadiah Moyo, nguMongameli Emmerson Mnangagwa izolo, bathi zinengi iziphathamandla zikahulumende ezimele zixotshwe umsebenzi lazo ukuze kuqedwe inkohlakalo elizweni.

Izakhamizi zakoBulawayo ziveza imibono ehlukeneyo ngokukhwezwa kwentengo yokwelatshwa ezibhedlela zikahulumende.

Abatshayeli bamaroli abeZimbabwe abasebenzela kweleSouth Africa bathi sebedlela evalweni njengoba abatshayeli balelozwe sebesithi kabaphume baphele ngoba bengekela bazayifunda ivaliwe.

Ku Livetalk namhlanje kuhlelo oluphathelane lezizalwane zeZimbabwe esezihlala emazweni, olwe “Diaspora Forum” sikhangela udubo olubhekane labatshayeli bamaroli abeZimbabwe abasebenzela kweleSouth Africa.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG