Ndebele headlines March 08, 2016
Endabeni zethu lamhlanje lilo CG………..
********** EleZimbabwe limanyana lamanye amazwe ukunanza usuku oluqakathekisa imisebenzi yabesifazane, iInternational Women’s Day phansi kwesihloko salonyaka esithi Planet 50 - 50 by 2030, Step Up The Gender Equality.
********** Abemuli yako Dzamara kanye lamalunga enhlanganiso ye Occupy Africa Unity Square, batshengisa ukukhathazeka phezu kokungazihluphi kukahulumende lamapholisa eZimbabwe, kulokho okumele bakwenze phezu kokunyamalala kuka Itai Dzamara.
**********Lanxa amafekitali evalwa ngobunengi uhulumende uthi kulamankampani azinkulungwane ezinhlanu alotshisiswe okusemthethweni.
********** Iziphepheli zeZimbabwe enkambeni yeDukwi kweleBotswana zibhekane lekusasa elimnyama ngemva kokuba uhlangothi olubona ngeziphepheli enhlanganisweni yomanyano wamazwe womhlaba eye UN ibike ukuthi isizakwehlisa usizo elunika linkamba.
***********KuLivetalk kuhlelo lwabasakhulayo olwe The Connection namhlanje sikhangela ukunanzwa kwamalungelo abasakhulayo abangamantombazana ngelanga leInternational Women’s Day. Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 15460 kilohertz kuShortwave. Inombolo zethu zewhats’app zithi 001-202-465-0318 kulabo abafuna ukuthola inhloko zendaba zethu. Sitholakala njalo kuFacebook ekhasini lethu ele VOA Ndebele.
