Ndebele headlines March 14, 2016
Endabeni zethu lamhlanje lilo CG………..
**********Ibandla elitsha ele People First lihlaselwe ngodlakela ngempelasonto. Silengxoxo lesiphathamandla salelibandla.
********** Ikhansili yeDolobho lakoBulawayo isibike ukuba amanzi asemadamu okwamanje ayisilinganiso sokungamatshumi amane alengxenye ekhulwini njalo ayikaphumi lesinqumo sokwabela izakhamizi amanzi okusebenzisa ngoba isalinde ukuphela kwesikhathi sezulu.
********** Uzulu weZimbabwe ukhuthaza uhulumende ukuthi amise ukuthathelwa kwezigulane ezilezikwelede impahla ngoba lokhu kutsho ukuthi ukwelatshwa lokuthola impilakahle sokuzakuba lilungelo labalemali kuphela.
**********Kwezemidlalo……. Usesazakala umgulukudu onguye okhokhela imisebenzi yokuthengiswa kwemidlalo ngabadlali beqembu lesizwe elama Warriors.
***********KuLivetalk namhlanje sikhangela udlakela lwezombusazwe olukhanya lusabalala elizweni abamabandla ephikisayo bekhala ngokuthi abasekeli bawo bayatshaywa ngabeZanu PF. Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 15460 kilohertz kuShortwave. Inombolo zethu zewhats’app zithi 001-202-465-0318 kulabo abafuna ukuthola inhloko zendaba zethu. Sitholakala njalo kuFacebook ekhasini lethu ele VOA Ndebele.
