Inani lasebehlatshwe ijekiseni lakuqala lokuzivikela kuCovid 19 eZimbabwe selisedlula izigidi ezine-4,132,864. Kuthi asebehlatshwe wonke womabili selikuzigidi ezedlula kancane ezintathu-3,144,028. Kunje sebenzinkulungwane ezedlula amakhulu amabili asebehlaselwe yiCovid 19 lokhu leligcikwane laqhamukayo ngoMbimbitho ngo2020.
Abalandeli baka Mnu. Saviour Kasukuwere bathi ibandla elibusayo selifuna ukugenqula impumela yokhetho lwezabelo olusanda kwenziwa ngoba abantu bavotele abanye abacatshangelwa ukuba basekela uKasukuwere, owaziwa ukuthi ukhokhela icele leG40.
Umhlobo wokuhlukumezana ngokwemoyeni(emotional abuse) ubikwa uyiwo obesemqongweni ukwedlula eminye imihlobo yokuhlukumezana kwabesilisa labesifazane.
Ukusetshenziswa kwezidakamizwa sekusezingeni eliphezulu edolobheni lakoBulawayo njalo abasakhulayo yibo abasebenzisa izidakamizwa emaphathini.
Bekuvaleliswa umuyi uNdumiso Gumede namhla edolobheni lako Bulawayo phambilini komgcwabo wakhe kusasa eNyathi.
KuLivetalk namuhla sikhangela muva kumnyaka ka 2021 ikakhulu impi yokumelana lobhubhane olwe Covid 19 kanye lezimiso zomnyaka omutsha oka2022.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.