amalinks wokungena

Breaking News

Inhloko ZeNdaba Zibandlela 04, 2021


Inani lasebetholakale beleCOVID 19, seliqanse laya phezu kwamakhulu ayisikhombisa. Inengi labatholakake belegcikwane leli ngabeHarare belandelwa ngabakoBulawayo. Kukanti njalo abantu abanengi abakade bevakatshile bevela kweleSouth Africa ngekhefu lekhisimusi bakhala ngenhlawulo yokuhlolwa ukuze bathole icetificate yokuthi kabala COVID 19, benelise ukubuyela emsebenzini kweleSouth Africa.

Uzulu we Zimbabwe uveza imibono ehlukeneyo ngodaba lweziqondiso ze lockdown eziqala kusasa. Abanye bathi uhulumende kumele aphe abantu ukudla abanye besithi iziqondiso zelockdown ziqakathekile ukuze kuvinjwe ukumemetheka kwalumkhuhlane.

Umkhankaso weSouth Africa wokuvimba abeZimbabwe abazama ukungena elizweni ngokungekho emthethweni ngokuthumela amabutho, ihelicopter, amapholisa lezinye ingatsha zomvikela emingceleni lemigwaqweni usuthole insolo kakhulu kulabo abathi bekufanele kuqala uhulumende we ANC alwisane lemikhuba kahulumende weZanu pf esibulele ezomnotho.

Obelwela amalungelo oluntu uMnu Bekezela Maduma Fuzwayo ubekiwe lamuhlanje edolobheni leGwanda lapho inengi elimchaze njengendoda emadodeni.UMaduma obhubhe ngoLwesine ubulewe ngumkhuhlane weCovid 19..

Ku Livetalk namhlanje sikhangela ukuqonga kwenani labahlolwa betholakala bele Covid 19 eZimbabwe lasemhlabeni jikelele.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG