amalinks wokungena

Breaking News

Inhloko ZeNdaba Zibandlela 04, 2022


***Abantu abangaba zinkulungwane phose ezimbili abavele kumagumbi amane elizwe behlele emzini wako Gumede eNyathi ukuyangcwaba umuyi uNdumiso Emmanuel Gumede, obedume kakhulu kwezokuqondisa umdlalo wenguqu.

***Kubotshwa izizalwane zeZimbabwe ezinengi zizama ukungena kweleSouth Africa ngokungekho emthethweni.

***Ngokutshona kosuku lwayizolo inani labantu abakade sebetholakale bele Covid 19 e Zimbabwe kade selifika kwabazinkulungwane ezedlula amakhulu amabili-216,087 kodwa abazinkulugnwane eziphose zifike amakhulu amabili babo-185,594 babo kungabaphephe kulumkhuhlane. Kunje asebehlatshiwe ijekiseni lakuqala lokuzivikela kuCovid 19 elizweni selisedlula izigidi ezine-4,136,295. Kuthi asebehlatshwe wonke womabili selikuzigidi ezedlula kancane ezintathu-3,147,639.

***Inengi lababalisi elizweni behlulekile ukuya emsebenzini ukuyancedisa abafundi ukuloba imihloliso yesibanga se ‘O’ le ‘A’ level, eqale ngoMvulo elizweni jikelele.

KuLivetalk namuhla kuhlelo “The Connection” sixoxa lababona ngelungelo labatsha besipha imibono yabo ngokungenziwa nguhulumende ukubancedisa ukuze benelise ukuzinakekela empilweni ephilwa kulezi nsuku kungela misebenzi.

***Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG