amalinks wokungena

Breaking News

Inhloko ZeNdaba Zibandlela 05, 2022


Ngokutshona kosuku lwayizolo inani labantu abakade sebetholakale bele Covid 19 e Zimbabwe kade selifika kwabazinkulungwane ezedlula amakhulu amabili-217,678 kodwa abazinkulugnwane eziphose zifike amakhulu amabili babo-187,980 babo kungasebesinde kulumkhuhlane. Leli gcikwane selathatha umphefumulo wabantu abedlula inkulungwane ezinhlanu lokhe lolubhubhane lwaqhamukayo elizweni. Kunje asebehlatshiwe ijekiseni lakuqala lokuzivikela kuCovid 19 elizweni, selisedlula izigidi ezine-4,141,158. Kuthi asebehlatshwe wonke womabili sebeyizigidi ezedlula kancane ezintathu-3,153,058.

Abatshayeli abanengi bathi ukugugudeka kwemigwaqo yakoBulawayo sekuyingozi enkulu emigwaqweni.

Kulabanye abadabuka eZimbabwe asebehlala kwele South Africa abathi sesifikile isikhathi sokuthi belungise okubahluphayo elizweni labo kulokuthi babe lokhu bekhahlanyezwa nguhulumende wakwele South Africa okwamanje osevale ngci ungcele weBeitbridge.

Uhulumende weBotswana uthi izikolo zizavulwa ngezigaba, kuyindlela yokwenqabela ukumemetheka komkhuhlane weCovid-19. Kulenani eliphezulu lezifundi zeZimbabwe ezingena izikolo kweleBotswana.

Bahlalele evalweni abakumdlalo wenguqu njengoba kulokhu kungakaxazululwa ukufuthelana okuphakathi kwekomishini kahulumende elawula ezemidlalo eye Sports and Recreation Commission lenhlanganiso eqondisa umdlalo wenguqu eye Zimbabwe Football Association.

KuLivetalk namuhla kuhlelo “Diaspora Forum” sikhangela okwenziwa yizizalwane zeZimbabwe esezihlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG