amalinks wokungena

Breaking News

Inhloko ZeNdaba Zibandlela 07, 2022


Abogatsha lwezempilakahle babikwa ukuba kulabantu abalitshumi lasithupha ababulewe yiCovid 19 ngoLwesine. Kuwabahlolwe elizweni jikelele izolo, abaphezu kwenkulungwane eyodwa-1,121, batholakale belegcikwane leli okuhle kwakhuphula lelinani lokhu lolubhubhane lwaqhamukayo e Zimbabwe ngoMbimbitho, 2020, laya kwabangaba zinkulungwane ezedlula kancane amakhulu amabili- 220,178. Okulinani eligoqela abasilayo kulumkhuhlane abazinkulungwane ezingamakhulu phose amabili-191,000.

Abafundi abakhangelele ukubhala imihloliso yokuphutsha izinga leA'level lonyaka bakhala ngokuswelakala kwezithupha ezifunakala nxa bebhalisa.

U-Manisipala weHarare uthi akalazo inhlelo zokugeca umumbu wabantu abawulime kunsimu zabo ezincane kulelidolobho langokuthi uzohlawulisa abalime emaxhaphozini, imali engange ZW$25,000.

Ikhansili yakoByo isiqale ukuhamba ibutha zonke izibi ezisenzikini yedolobho lemikotweni ngemva kokuthola usizo lwezimota olusuke kuHon Raj Modi olilunga ledale lephalamende emele ibandla elibusayo.

KuWoza Friday kuliviki silejaha elisakhulayo uWilard Chibwanda Nyoni ocula umdumo wakulezinsuku obizwa kuthiwa Amapiano, ucula ekoBulawayo.

KuLivetalk namuhla sikhangela ukuqhubeka kwemizamo yokumelana lobhubhane lweCovid 19 elizweni kanye lomncintiswano wenguqu wamazwe awe Africa oweAfcon ngesikhathi eleZimbabwe libhekane lokujeziswa yinhlanganiso eyeFIFA.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG