amalinks wokungena

Breaking News

Inhloko ZeNdaba Zibandlela 08, 2021


Abogatsha lwezempilakahle babika kuba babelitshumi lanhlanu-15, abantu ababulawe yiCovid 19, eZimbabwe izolo kuphela. Lokhu kukhuphule Inani lasebebulewe yilolu bhubhane kwabangamakhulu aphezu kwamakhulu amane-446.

Inani labantu abasinda kumkhuhlane we Covid 19 liya lisehla osekubangele ukuthi abezempilakahle besabele ukuthi uhlobo lwe coronavirus olulobukhali seliselizweni.

Abaphila ngokuthengisa badlala umacatshelana labezomvikela behamba bethengisa bethi bengekela ukwenza njalo, ngeke benelisa ukuphila phansi kweLockdown ngoba uhulumende engabaphathisi ngokudla lapho behleli okwenyanga yonke bengasebenzi.

Umthelo wekhangili yakoBulawayo ukhangelelwe ukukhuphuka kuyonale inyanga kulandela uluhlu lwebudget ka 2021 lesupplentary budget ka 2021 njalo izakhamizi zalelidolobho zithi azisoze zenelise ukuwubhadala, ikakhulu njengoba zikuLockdown.

Uzulu we Zimbabwe upha imibono ehlukeneyo ngalokho okwenzakala kwele Melika abanye besithi kuveza isimo esibi ngelizwe leli kuthi abanye bethi eleMelika lilemithetho eyenelisa ukukulungisa lokhu.

Abanye abantu eZimbabwe bathi kubi kakhulu okwenziwe ngabalandeli baka Mongameli Donald Trump abangene ngenkani edale leCongress ngoLwesithathu kubalwa ama-electoral votes okhetho lukamongameli olwenziwe ngoLwezi nyakenye. Kodwa bakhona njalo abasekela okwenziwe nguTrump okhuthaze ukuba benze lokhu.

Ku Livetalk namhlanje sikhangela ukuqonga kwenani lababanjwa yiCovid 19 eZimbabwe kanye lokwenzakala eMelika okulokhu kulokufuthelana kuhlelo lokudedelanwa kombuso.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG