amalinks wokungena

Breaking News

Inhloko ZeNdaba Zibandlela 12, 2021


Ngokutshona kwelanga layizolo kuphela kufe abantu abangamatshumi amabili lanye-21 abakhulelwe ngumkhuhlane oweCovid 19 okukhuphule inani lasebebulewe yiyo kwabangamakhulu edlula amahlanu-528.

Ngesikhathi abamaLaboratories ahlola iCoronavirus, behlawulisa amadola aphakathi kwangamatshumi ayisithupha kusiya kwangamatshumi ayisithupha lanhlanu ku PCR Test, uManisipala we Harare wazisa uzulu ukuthi uyenza lokhu ngaphandle kwembadalo ezibhedlela lemakilinika akhe.

Abaphila ngokuthengisa eZimbabwe bethenga bethengisa eSouth Africa sebeveze ukukhathazeka kwabo kulandela ukuvalwa komncele Emzansi bethi sekuzaphazamisa ngamandla ibhizimusi yabo ngenxa yeLockdown emazweni womabili.

ISouth Africa isivale imingcele yonke yelizwe ngenhloso yokuzama ukwenqabela ukumemetheka kwegciwane lecoronavirus.

Kambe ukuna kuhle kwezulu lezinsuku kuzavuselela umnotho welizwe na?

Ku Livetalk namhlanje kuhlelo “The Connection” uMike Hove uxoxa labatsha ngodaba lweCovid 19 Lockdown ukuthi isiphazamise kanjani impilo yabazakhulayo eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG