Endabeni zethu lamhlanje ……………..
****** UMongameli Emmerson Mnangagwa uhlangana lequla labeChina elikhokhelwa ngumpathintambo wezobudlelwano lamanye amazwe, elisekwethekeleleni eZimbabwe.
****** UMahluleli omkhulu elizweni uChief Justice Luke Malaba, uvule okusemthethweni umsebenzi wokwahlulelwa kwamacala lonyaka, esola udlakela lwezombusazwe kanye lokuqonga kwenani lababulawa kuzehlakalo ezidalwa ngabahlasela lapho okwembiwa khona igolide ababizwa ngokuthi ngamaShurugwi.
****** Izakhamizi zeMatobo zikhala ezimathonsi ngemali lokudla okuphiwa abalambayi ngoba bebhekane lendlala enkulu bethi kukhona okungasahambi kuhle kuhlelo lwezemali lokudla okumele bakuphiwe.
***** Umumo ubikwa ungakaguquki kangako ezibhedlela zikahulumende ngoba lokhe bebalutshwana abagulayo abathola usizo lokwelatshwa lanxa inani labodokotela asebebuyele emsebenzini ngemva kokukhalala umsebenzi okwenyanga ezedlula ezintathu, selengezelele kancane.
****** Umsekeli kamqeqetshi weqembu le FC Platinum uLizwe Sweswe usetshayele ihlombe abadlali baleliqembu ngemva kokuthola kwabo umklomelo wabo wakuqala kumncintiswano we Total CAF Champions League.
****** KuLiveTalk namhlanje sikhangela inhlupho ezibhekane labazali, ababalisi labantwana ngesikhathi izikolo zivulwa kusasa. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.