amalinks wokungena

Breaking News

Inhloko ZeNdaba Zibandlela 13, 2021


Inani labakhulelwe ngumkhuhlane oweCoronavirus ngokutshona kwelanga layizolo eZimbabwe, lamatshumi amabili lantathu-23 likhuphule asebetshonile lokhu lumkhuhlane wahlasela elizweni ngoMbimbitho womnyaka odluleyo, kwabangamakhulu edlula amatshumi amahlanu-551.

Uhulumende uthi uzaqhubeka ebhadala izisebenzi zakhe imali yokuziphathisa ngesikhathi besebenza lapho kulomkhuhlane we Covid-19. Izisebenzi zikwamukele lokhu kodwa zithi kumele yengezwe ngoba abanye babo sebehlaselwe yilo umkhuhlane balahlekelwa zimpilo.

Umthethwandaba kaMantshi weHarare, namhlanje walile isicelo sentathelizindaba elodumo uHopewell Chin’ono esokuphikisa ukuvalelwa kwakhe kucala aletheswayo lokuqamba amanga abikwa elakho ukungcolisa isimo sikahulumende.

Kodwa owayengumkhokheli wenhlanganiso yabembi begolide eye Zimbabwe Miners Federation uHenrieta Rushwaya uvunyelwe ukuhlawula isibambiso seBail ecaleni alibotshelwayo lokufunyanwa elegolide elilesisindo samakilogram ayisithupha ezama ukuphuma lalo elizweni.

Iqembu labesilisa elimela ilizwe emdlalweni wenguqu lilubhekise kwele Cameroon ukuyaphatheka kumncintiswano we Chan.

Ku Livetalk namhlanje kuhlelo “Diaspora Forum” sikhangela okubhekane lezizalwane zeZimbabwe eseˆhlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG