Sokuzinsuku ezimbili zilandelana kutholakala abantu abaphezu kwenkulungwane eyodwa ngalanga linye beleCovid 19 eZimbabwe. Kuthange kuthokale abedlula kancane inkulungwane-1,017, izolo kwatholakala abaphezu kwenkulungwane eyodwa lekhulu-1,112.
Izisebenzi zeKhansili yakoByo ziqale ukukhalala umsebenzi zikhala ngeholo eliphansi kakhulu. Lokhu sekwenze umsebenzi wekhansili ungaqhubi ngendlela, izibi zingabuthwa kuthi lemtholampilo iswele abaphathisa izigulane.
Umphathintambo wesigaba se Manicaland u Dr Ellen Gwaradzimba usebulewe ngumkhuhlane we Covid-19. UGwaradzimba ngumphathintambo wesibili ukubulawa yilo umkhuhlane ngemva kokubhubha kuka Mnu Perrence Shiri nyakenye.
Kuhlelo Woza Friday kuliviki, silomculi odume kakhulu kungoma zokholo u Earnest Masongela, yena udabuka esigabeni seNkayi.
Ku Livetalk namhlanje sikhangela ukuqonga kwenani labafunyanwa beleCovid 19 eZimbabwe kanye lamalungiselelo okugcotshwa kukaMongameli weleMelika omutsha ngeviki ezayo.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.