amalinks wokungena

Breaking News

Inhloko ZeNdaba Zibandlela 17, 2022


Abogatsha lwezempilakahle babika ukuba ngokutshona kosuku lwayizolo kwabahlolwe iCovid 19 kutholakale abaphezu kwekhulu-144, belegcikwane leli, labulala abane. Asebehlatshwe ijekiseni lakuqala lokuzivikela kuCovid 19 sebesedlula izigidi ezine-4,206,094. Kuthi asebehlatshwe amabili sebeyizigidi ezedlula ezintathu-3,232,122, kulabazinkulungwane ezedlula amatshumi amabililanhlanu-26,631, asebehlatshwe elesithathu.

Amapholisa aqale aweZRP asungule uhlelo lwabo lokubopha izimota ezingela nombolo, kanye lezingabhalisanga, bedinga ukubopha imota ezisetshenziswa ngamasela. Abakubhizimusi yokuthwala uzulu bakhala ngokuthi lokhu kuthathelwa izimota kubakhipha isinkwa emlonyeni.

Ababalisi be nhlanganiso ye Amalgamated Rural Teachers Union of Zimbabwe ababotshwe ngeviki edluleyo sebephiwe imvumo yokuhlaula isibambiso seBail ukuze bathonisiswe besuka ngekhaya.

Kulabadabuka eZimbabwe abahlala eTurffontein kwele South Africa asebesuswa emikambo lezindlini abahlala khona yinhlanganiso ebizwa ngokuthi yiSouth Africa First, ekhanya engani incediswa ngamapholisa.

Uyantengantenga umkhankaso weqembu labesilisa elimela ilizwe le Zimbabwe emdlalweni kakhilikithi owokulwisa ukuba ngelinye lamaqembu azaphatheka kumncintiswano wezizwe zomhlaba ngomnyaka ka 2023.

KuLivetalk namuhla sikhangela umsebenzi wokumelana leCovid 19 lokuhlukunyezwa kwezizalwane zakwamanye amazwe kwele South Africa okugoqela abadabuka eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG