Endabeni zethu lamhlanje ……………..
************* Inkundla zokukhulumisana lokuzilibazisa egoqela oFacebook, Whatsaap, Twitter lezinye, ziqhubeka zivaliwe e Zimbabwe ngesikhathi abantu befuna ukuba kwazi okwenzakala elizweni.
************* Inhlanganiso ezilwela ilungelo loluntu ezehlukeneyo lokhu zimelele ukuthethwa kodaba lokuvinjwa kokwethulwa kwemibiko okukhululekileyo ngemva kokuvalwa kobulembu be internet nguhulumende.
*********** Abenhlanganiso yezisebenzi zikahulumende eye APEX banhlangana lomqatshi kodwa akula mpumela enhle ebe khona ngoba izisebenzi zingemukeli okulethwe emhlanganweni nguhulumende.
*************Esigabeni sethu sokuzithokozisa kuWoza Friday lamhlanje uBenedict Nhlapho uxoxa lomculi womdumo oweRhumba, uMcebisi Chauke yenake ocula esekelwe ngabeqembu lakhe ele ‘Amathonga Amahle’ eselilamadlalade amathathu wonke esikhulumanje adla ubhedu.
********** KuLiveTalk namhlanje sikhangela umumo ose Zimbabwe ngesikhathi uhulumende elokhu evala evula ukusebenza kobulembu beinternet obusetshenziswa ngabanengi ukukhulumisana lezihlobo labangane abaphandle kwelizwe. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokuxhumana eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave.