Kufe abantu abangamatshumi ayisithupha-60, bebulawa ngumkhuhlane oweCovid 19, okulinani eliphezulu kakhulu lokubhubha kwabantu ngalumkhuhlane ngelanga linye. Lokhu kukhweze inani lasebekhulelwe yilumkhuhlane kwabangamakhulu phose athobaminwe mibili-773.
Ukuqonga kwenani labantu ababanjwa beleCovid lababulawa yilumkhuhlane kukhanya kungakaqali ukwethusa uzulu ophila ngokuthengisa, langokutshovisa ngamakombi angavunyelwayo emigwaqweni koBulawayo.
Izisebenzi zithi ukuvalwa kwamankampani lenhlelo zokuziphilisa ezitshiyeneyo ngenxa yomkhuhlane wecoronavirus sokuzidalele ubunzima obumangalisayo ngoba azisenelisi ukuphandlela imuli.
EleBotswana selibone inani labantu ababanjwe ngumkhuhlane weCOVID-19 liqonga lizeliphinde kabili lokhe umnyaka uqalile, osekwethuse inengi okugoqela abeZimbabwe abahlala kulelozwe.
Ingcwethi zezempilakahle ezikumkankaso wokuvikela ukumemetheka kweCoronavirus eZimbabwe, zikhuthaza intsha ukuthi ihloniphe iziqondiso zeLockdown. Leiz ngcwethi zithi ukulandelwa kwalezi ziqondiso yikho kuphela okunganceda ilizwe ukuthi linqobe empini yokumelana legcikwane leli elihlasela ngolaka lonyaka ukwedlula nyakenye.
Ku Livetalk namhlanje kuhlelo lwabatsha olwe “The Connection” sikhangela ukuqonga kwenani labafunyanwa beleCovid 19 eZimbabwe ukuthi kuphatha njani abasakhulayo kanye lamalungiselelo okugcotshwa kukaMongameli weleMelika omutsha kusasa.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.