Ngokutshona kosuku lwayizolo kwabahlolwe iCovid 19 abantu abangamakhulu edlula amane-427, batholakale belegcikwane leli, labulala abathobaminwemibili-8, kubika abogatsha lwezempilakahle. Asebehlatshwe ijekiseni lakuqala lokuzivikela kuCovid 19 sebesedlula izigidi ezine-4,215,836. Kuthi asebehlatshwe amabili sebeyizigidi ezedlula ezintathu-3,242,414, kulabazinkulungwane phose amatshumi amathathu-30,841, asebehlatshwe elesithathu.
EleMelika lithi uhulumende weZimbabwe kumele aguqule imithetho yokhetho ukuze ukhetho oluzayo luqhutshwe ngendlela ekhululekileyo.
Omama abakumabhizimusi acathulayo esabelweni seZansi yemaNdebeleni bakhala ngokuswelakala kwemkambo yokuthengisela impahla zabo, lokhu kuvele lapho labomama benhlangana lomphantintambo wamabhizimusi asacathulayo uNkosikazi Sithembiso Nyoni othembise ukulungisisa indubo ababhekane lazo.
Umkhokheli webandla leEconomic Freedom Fighters umnumnzana Julius Malema lamhlanje wethekelele indawo zokudlela eJohannesburg ngenhloso yokuyalungisa udaba lokuthi ziqatsha abokuza abanengi kulezizalwane zakweleSouth Africa.
Abakubhizimusi yokuthwala imphahla besuka eSouth Africa besiya eZimbabwe bedlula kweleBotswana sebethwaliswe nzima ngamasela abantshontshela imphahla kanye lemali ngesikhathi besithi bayaphumula endleleni.
Kuhlelo lwezizalwane zeZimbabwe ezihlala kwamanye amazwe namuhla sixoxa loMnu. Nhlanhla Nzuza Mahlangu, osebenza endaweni okuthengiswa ukudla kwele South Africa.
KuLivetalk namuhla kuhlelo ‘Diaspora Forum’ sikhangela okwenziwa ngabadabuka eZimbabwe asebehlala kwamanye amazwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.