Umphathintambo wezobudlelwano beZimbabwe lamanye amazwe womhlaba, uMnu. Sibusiso Moyo kasekho.
Umongameli omutsha wele Melika onqobe kukhetho olwenziwe ngoLwezi nyakenye, uMnu Joe Biden ugcotshwa namhlanje kodwa engena embusweni kungela kudedelanwa kuhle loMnu. Donald Trump osesuka embusweni.
Isikhulumeli seMDC Alliance uNkosazana Fadzayi Mahere uthi usebanjwe umkhuhlane weCovid-19 kulandela ukuvalelwa kwakhe ejele okwensuku eziyisikhombisa.
Kuthange bebengamatshumi ayisithupha-60, izolo baba ngamatshumi amahlanu lambili-52, ababulawe ngumkhuhlane oweCovid 19, eZimbabwe. Lokhu kukhweze inani lasebekhulelwe yilumkhuhlane kwabangamakhulu phose athobaminwe mibili-825.
Ingcitshi zezombusazwe eZimbabwe, zithi ukungena kuka Mongameli Joe Biden embusweni kwele Melika kakusoze kuguqule indlela ele Zimbabwe elidlelana ngayo lalelo lizwe.
Ku Livetalk namhlanje kuhlelo “Diaspora Forum” sikhangela ukugcotshwa kukaMongameli weleMelika omutsha uMnu. Joe Biden, osethatha intambo zombuso ngemva kokunqoba otshiya leso sikhundla namhlanje uMnu. Donald Trump.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.