amalinks wokungena

Breaking News

Inhloko ZeNdaba Zibandlela 21, 2022


Abogatsha lwezempilakahle babika ukuba ngokutshona kosuku lwayizolo kwabahlolwe iCovid 19 abantu abangamakhulu phose amane-397, batholakale belegcikwane leli, labulala abane-4, kubika abogatsha lwezempilakahle. Asebehlatshwe ijekiseni lakuqala lokuzivikela kuCovid 19 sebesedlula izigidi ezine-4,2285,376. Kuthi asebehlatshwe amabili sebeyizigidi ezedlula ezintathu-3,254,587, kulabazinkulungwane ezedlula amatshumi amathathu lengxenye-35,554, asebehlatshwe elesithathu.

Kuyaqhubekela phambili ukudonselana lokufuthelana kubandla leMDC-T elikhokhelwa nguMnu. Douglas Mwonzora phakathi kwakhe lomsekeli wakhe uNkosazana Thokozani Khuphe osokukhokhelele ekuthini ababili laba behlukane omunye lomunye esithi nguye osekhokhela leli bandla.

Uzulu uveza ukukhathazeka okukhulu ngokuphuza ukuphela kokwakhiwa kwamavinkili awe Egodini Mall, koBulawayo okungumsebenzi osule minyaka wasungulwayo.

Inhlanganiso ezilwela amalungelo omphakathi kweleSouth Africa lamhlanje ziqhuba umhlangano labezindaba eJohannesburg zikhuthaza uhulumende ukuthi athathe amanyathelo ngokwanda kwabaququzela ukuhlukunyezwa kwezizalwane zakwamanye amazwe.

Ku Woza Friday namhlanje sikhangela imbali yomculi owaduma eleZimbabwe lingakatholi uzibuse lalapho selikhululekile, uZex Manatsa obhubhe izolo.

KuLivetalk namuhla sikhangela ukudonselana lokufuthelana okusebandleni eleMDC- T elikhokhelwa nguMnu Douglas Mwonzora.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG