Endabeni zethu lamhlanje ……………..
****** Inhlanganiso yengcwethi ezibona ngenhlalakahle kazulu eye Zimbabwe Democracy Institute, yethule impumela yophenyo eveza ukuba uhlelo lokulima lukahulumende olwe Command Agriculture luqhutshwa kulandelwa ezombusazwe.
****** Kuqhubekela phambili ukuthonisiswa kukaMongameli Donald Trump wele Melika edale leSenate kodwa ingcwethi ezicubungula ezombusazwe zithi kusobala ukuthi amalunga aleli dale azasekela izinqumo zonke elandela amabandla awo. Abebandla lamaRepublicans bazasekela uTrump abamaDemocrats besekela ukukhitshwa kwakhe esikhundleni ngeImpeachment.
****** Ezinye iziphepheli zeZimbabwe ezasala enkambeni yeDukwi kweleBotswana, lokhe zingakahanjiswa ekhaya, ngesikhathi sokuphuma imibiko yokuthi akuselamali yokuhlawulela indleko zokuthi baphindele ekhaya.
***** Ikhansili yedolobho lakoBulwayo yethule isaziso sokukhuthaza izakhamizi zedolobho leli, ukuba zisebenzise amanzi ngonanzelelo olukhulu ngoba isilinganiso sawo emadamu siqhubekela phambili sisehla okwethusayo njengoba izulu lokhu lingani kuhle.
****** KuLiveTalk namhlanje kuhlelo “Diaspora Forum” sikhangela okwenzakala kweleSouth Africa lapho izigebengu esezisisidla ubhedu eJohannesburg inengi lazo zibikwa kuyizizalwane zeZimbabwe. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.