amalinks wokungena

Breaking News

Inhloko ZeNdaba Zibandlela 22, 2021


Liqhubeka liqonga inani labalahlekelwa yimiphefumulo njalo kungabantu abalodumo elizweni bebulawa ngumkhuhlane weCOVID-19. Abasanda kubhubha bagoqela owake waba ngumphathintambo wezemfundo njalo engumlobi wezembali umnumzana Enias Chigwedere obhubhe lamuhla ekuseni kanye lobengusomabhizimusi emzini weChitungwiza njalo wake waba lilunga ledale lephalamende umnumzana Christopher Chigumba obhubhe izolo ebusuku.

Ingcwethi zezempilakahle koBulawayo zithi imibiko ethi isibhedlela seUBH asisela moya weOxygen ophathisa abantu abagula ICOVID ingamanga.

AbeZimbabwe abaphila ngemisebenzi, ikakhulu eyezindlini kweleBotswana, bathi impilo isinzima ngesikhathi abaqhatshi bengasathembi abantu uma bengazi isimo sabo seCovid-19.

KuWoza Friday namuhla sihamba leqembu elicula umdumo weRhumba elizibiza ngokuthi yi‘Private Boys’ liphethe idlalade lalo lesine elilesihloko esithi ‘Umqali Wendaba’

Ku Livetalk namhlanje sikhangela ukuqonga kwenani lababanjwa beleCovid 19 eZimbabwe lakwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG