amalinks wokungena

Breaking News

Inhloko ZeNdaba Zibandlela 24, 2022


Abezempilakahle babika ukuba isilinganiso sokuthelelanwa kweCovid 19 eZimbabwe lokhu sisehla ngoba ngokuphetha kosuku lwayizolo kwabahlolwe leli gcikwane kulabantu abangamatshumi ayisikhombisa lanhlanu kuphela-75, abatholakale belalo, labulala ababili-4. Asebehlatshwe ijekiseni lakuqala lokuzivikela kuCovid 19 sebesedlula izigidi ezine-4,242,371. Kuthi asebehlatshwe amabili sebeyizigidi ezedlula ezintathu-3,270,260, kulabazinkulungwane ezedlula amatshumi amane-42,773, asebehlatshwe elesithathu.

Ukuxokozela lokudonselana kumacele awebandla eliphikisayo eleMDC sokwenze icele leMDC Alliance liguqule ibizo, selibizwa ngokuthi Citizens Coalition for Change.

Kulabalandeli bebandla leMDC-T abasekela okwethulwe nguNkosazana Thokozani Khupe othi usekhokhela ibandla leli kubelabanye njalo abathi akuqedakali akwenzayo.

EleZimbabwe limanyana lamanye amazwe umhlaba wonke, ukunanza usuku oluqakathekisa uhlangothi lwezemfundo lwe International Day of Education, ngesikhathi inhlangothi ezitsheyeneyo zikhala ngokubuyela emuva kwaloluhlangothi ngalesisikhathi sobhubhane lweCOVID-19 langokwanda kwezikolo ezisebenza zizimele, zingakhangelwa ukuba zenza okuyikho na loba hatshi.

UManinsipala wakoBulawayo, utshele umhlangano lentathelizindaba ukuba sebefike esibangeni esiphezulu sokupha inkampani eyakha amavinkili aweEgodini Mall, eyeTerracotta, iNotarial Lease Agreement.

KuLivetalk namuhla sikhangela ukuguqula osokwenze abeMDC Alliance sebebizwa ngokuthi yi Citizens Coalition for Change.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG