Endabeni zethu lamhlanje ……………..
************* Abamabandla ezokholo lwesiKrestu akumanyano we Zimbabwe Council of Churches kanye labomanyano we Civic Society & Churches Joint Forum – CSCJF, sebesungule umkhankaso wokukhuthaza ingxoxo uqobo ezijonge ukuqeda inkinga iZimbabwe ebhekane lazo.
*********** Amasotsha amabili amiswa phambi komthethwandaba ethonisiswa icala lokubangela udlakela.
************* Izizalwane zeZimbabwe esezihlala eMelika zitshengisela esigodlweni sommeli welizwe lazo eWashington DC zikhonona ngokungahlaliseki okusekhaya.
*********** Kwezemidlalo………. Omiswe esikhundleni sokuba ngumsekeli kamongameli wenhlanganiso ebona ngokuqhutshwa komdlalo wenguqu kwele Zimbabwe uGift Banda uthi akawonanga lutho.
********** KuLiveTalk namhlanje sikhangela imbali lokwenziwa ngumculi obeludomu obhubhe kuthange uOliver Mutukudzi wapiwa inhonipho yeqawe lesizwe nguhulumende. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokuxhumana eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave.