amalinks wokungena

Breaking News

Inhloko ZeNdaba Zibandlela 25, 2021


Idolobho leHarare lokhu likhokhela ngokuba lenani eliphezulu labantu ababanjwa beleCovid 19 ngalanga linye eZimbabwe, kusukisela ekuqaliseni kwalumnyaka. Izolo kuphela kubanjwe abantu abedlula ikhulu lengxenye-157, phakathi kwebangamakhulu edlula amathathu-313, abatholakale belalo ngokutshona kwelanga layizolo elizweni lonke.

Isikhulumeli sikahulumende uMnu Nick Mangwana uxolisile kubodokotela namuhla phezu kwamazwi awethule izolo awokuthi kulabanye odokotela abazonda uhulumende abangaba bebulale ngabomo iziphathamandla zeZanu PF ezithethwe ngumkhuhlane weCovid-19 ngeviki ephelileyo.

Ilizwe leZimbabwe libone ukukhuphuka kwabantu abakhulelwa ngumkhuhlane we Covid-19 ngeviki edluleyo selokhe kwaqhamuka ubhubhane lolu. Kubhubhe abantu phose abangamakhulu amathathu 291 kuviki ephelileyo kuphela.

Kulequla lezizalwane zeZimbabwe ezisebenza kweleSouth Africa eselisungule umkhankaso wokudinga usizo lwesiphangiphansi lwezibani zokukhanyisa esibhedlela seTshitatshawa eTsholotsho eMatabeleland North ngesikhathi icoronavirus isidla amahabulo emphakathini.

Lidanise abalandeli iqembu lomdlalo wenguqu elimela iZimbabwe elama Warriors ngokuphelelwa ngumphako lingazange lithole ngitsho lomklomelo owodwa kumncintiswano we Chan.

Ku Livetalk namhlanje sikhangela ukuqonga kwenani lababanjwa beleCovid 19 eZimbabwe lakwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG