amalinks wokungena

Breaking News

Inhloko ZeNdaba Zibandlela 25, 2022


Abezempilakahle babika ukuba isilinganiso sokuthelelanwa kweCovid 19 eZimbabwe lokhu sisehla ngoba ngokuphetha kosuku lwayizolo kwabahlolwe leli gcikwane kulabantu abangamakhulu phose amathathu-287, abatholakale belalo, labulala abalitshumi lambili-12. Asebehlatshwe ijekiseni lakuqala lokuzivikela kuCovid 19 sebesedlula izigidi ezine-4,244,787. Kuthi asebehlatshwe amabili sebeyizigidi ezedlula ezintathu-3,272,926, kulabazinkulungwane ezedlula amatshumi amane-43,892, asebehlatshwe elesithathu.

Ibandla le MDC- T elikhokhelwa nguMnu. Douglas Mwonzora lithi lizaxotsha amalunga edale lephalamende awe MDC Alliance abalandela ibandla elitsha lika Mnu. Nelson Chamisa ele Citizens Coalition for Change.

Abenhlanganiso yomanyano wamabandla ezokholo yeZimbabwe Council of

Churches bemanyene lezinye inhlanganiso ezisebenzisana lozulu baqhuba

uhlelo lweviki, lokuthakazelela imisebenzi eqgutshwa yilezi nhlanganiso ezisebenza zizimele.

Inhlanganiso ekhuthaza ukulwisa inkohlakalo eye Transparency International yethula uluhlu lwamazwe alenkohlakalo yezinga laphezulu, olutshengisa ukuba eleZimbabwe ngelinye lamazwe ahlaselwe yilo mkhuba.

Izakhamizi zakoBulawayo zithi zithukuthele okwamagama njalo seziphelelwe ukuthi zenzeni ngokudubuka kwezitishi lempompi ezithwala amanzi alengcekeza awe sewage, emalokitshini ezihlala kuwo.

KuLivetalk namuhla kuhlelo “The Connection” sikhangela okwenziwa ngabasakhulayo lemicabango yabo ngokuguqula ibizo osokwenziwe ngabeMDC Alliance sebebizwa ngokuthi yi Citizens Coalition for Change.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG