amalinks wokungena

Breaking News

Inhloko ZeNdaba Zibandlela 26, 2021


Inani lababulewe yiCoronavirus, abangamatshumi ayisikhombisa-70, izolo kuphela, kwethuse abanengi ngoba kungokwakuqala eZimbabwe ukuthi lesi sifo sithathe inani eliphezulu kangaka. Lokhu sokusitsho ukuba inani lasebekhulelwe yilumkhuhlane seledlule inkulungwane eyodwa-1,075.

Uhulumende ukhuthazwa ukuba aphange adinge impahla yokuzivikela esetshenziswa ngodokotela labongi kanye lokunye okudingakalayo okungasiza ukunqoba limpi yokulwisana le COVID-19. Linkuthazo yenziwa ekuphumeni kwemibiko yokuthi sekubhubhe odokotela abayisithupha kuyonale inyanga kaZibandlela ngemva kokukhulelwa ngumkhuhlane we COVID-19 kanye labongi labasizayo ezibhedlela ama Nurse Aids.

AbeZimbabwe abasebenza kunhlangothi ezihamba phambili ekulwiseni umkhuhlane weCovid-19, okufana labodokotela kanye labongikazi, balakho ukukhuthwa ngumvuzo welitshe eliligugu eledayimani ozaphiwa izizalwane zeBotswana.

Osomabhizimusi bemaphandleni bathi ukudilika komnotho kanye lokuvalwa kwelizwe ngenxa yomkhuhlane weCovid-19 sokutshiye amabhizimusi abo esebunzimeni obukhulu njalo kungelanzuzo abayitholayo.

Ku Livetalk namhlanje kuhlelo lwabatsha olwe “The Connection” sikhangela ukuqonga kwenani lababanjwa beleCovid 19 eZimbabwe lakwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG