amalinks wokungena

Breaking News

Inhloko ZeNdaba Zibandlela 27, 2021


Kubhubhe abantu abangamatshumi amabili lathoba minwemibili-28, ngeCovid-19 eZimbabwe izolo kuphela. Lokhu kukhuphule inani lasebebulewe yi-Coronavirus selokhe yahlasela ilizwe, nyakenye laya kwabedlula inkulungwane eyodwa-1,103.

Kungcwatshwa amaqhawe elizwe amathathu emathuneni lapho kulaliswa khona amaqhawe eNational Heroes Acre, uRetired Lieutenant General Sibusiso Busi Moyo, Dr Joel Biggie Matiza loRetired Major General Paradzai Zimondi, ababhubhe belandelana bebulawa yiCOVID-19. Abathathu laba bachazwe njengabantu kade bezinikele ekuqhubeni imisebenzi ebithuthukisa uzulu lesizwe seZimbabwe.

AbeZimbabwe abasebenza kunhlangothi ezihamba phambili ekulwiseni umkhuhlane weCovid-19, okufana labodokotela kanye labongikazi, balakho ukukhuthwa ngumvuzo welitshe eliligugu eledayimani ozaphiwa izizalwane zeBotswana.

AbeZimbabwe abasebenza kweleSouth Africa bathi imithetho yeCovid-19 ephathelene lezimfa lemingcwabo ibalethela usizi lobunzima obukhulu kakhulu nxa sebebhujelwe yizihlobo zabo.

Ku Livetalk namhlanje kuhlelo oluphathelane labeZimbabwe asebehlala kwamanye amazwe olwe “Diaspora Forum” sikhangela ukuqonga inhlupho ezidibana labeZimbabwe ukuyangcwaba abemuli ekhaya.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG