Endabeni zethu lamhlanje ……………..
************* Inengi labantu emzini weMbare lilahlekelwe yimpahla ebiza imali enengi kulandela ukubhidlizelwa amavinkili lamabhizimusi amancane ngamapholisa ekhansili yeHarare emanyene lakahulumende lamasotsha besith akhiwe okungekho emthethweni.
*********** Kukhethwa eyinye ikhomishini ebikwa izogcwalisa okwakhuthazwa ngeyayikhokhelwa ngowake waba ngumongameli wele South Africa, uMnu Kgalima Motlante eyacubungula imbangela yokubulawa kgabantu abayisithupha ngemva kokhetho lomnyaka odluleyo.
*********** Kwezemidlalo………. Umqeqetshi weqembu lomdlalo wenguqu ele Highlanders uMadinda Ndlovu uthi ukuqhatshwa kuka Bekithemba Ndlovu kuzakwenza yena athole isikhathi esokusebenza labadlali abasakhulayo abayikusasa yaleliqembu.
********** KuLiveTalk namhlanje sikhangela isimo esiqhubekela phambili sisiba sibi eZimbabwe, abantu behlukuluzwa, uMongameli Emmerson Mnangagwa esithi kazi lutho ngakho. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokuxhumana eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave.
