Kuphetha usuku lwayizolo ugatsha lwezempilakahle lukhiphe umbiko wokuba balikhulu lamatshumi amahlanu lantathu (153) ababanjwe ngumkhuhlane weCOVID-19 kwabhubha abathuthu (3). Asebehlabe ijekiseni yokuqala yokumelana lobhubhane lweCOVID-19 bayizigidi ezine lenkulungwane ezingamakhulu amabili laphezulu kwengxenye (4 255 799), kuthi asebehlabe amabili bayizigidi ezintathu lenkulungwane ezingamakhulu phose amathathu (3 285 803). Asebehlabe amajekiseni amathathu bazinkulungwane phose ezingamatshumi amahlanu (48 966).
Idale leNominations Court, lakoBulawayo, lihlale namhlanje, eTredgold Magistrate Court lisamukela amaphepha abafisa ukuncitisa kukhetho lwamaBy-elections, ezikhundleni zedale lephalamende, zabazamela iNkulumane lePumula.
Umkhokheli welinye lamacele aweMDC-T, uMnu. Douglas Mwonzora uthi amalunga awe Zanu PF abexuku elaziwa ngokuthi yi G40 yibo abayenga uNkosazana Thokozani Khuphe ukuthi axexebuke kubandla lakhe.
Uhlangothi olubona ngezemihlaloliso olweZIMSEC luyalandula imibiko esisabalale ezinkundleni zebulenjini ethi impumela yababhala imihloliso kaGrade 7 isikhona. Ngasikhathi sinye inengi labazali lisithi selilindele ukuvulwa kwezikolo ngoba ukumemetheka kweCOVID 19 sokunganeno.
Kuliviki kuhlelo Woza Friday silomculi wengoma zokholo uPhilani Nleya osedume kakhulu ngomculo wakhe eSouth Africa lase Zimbabwe yena ucula eseBhilithane.
KuLivetalk namuhla sikhangela amalungiselelo amabandla ezombusazwe e Zimbabwe wokhetho lwamaBy-Elections olwenziwa ngoMbimbitho.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.