Endabeni zethu lamhlanje ……………..
****** Ezinye inhlanganiso ezimela izisebenzi zikahulumende zithi kazemukeli okuvunyelenwe yinhlanganiso eye Apex Council lohulumende phansi kweNational Joint Negotiating Council ukuthi izisebenzi zikahulumende zengezelelwe iholo ngesilinganiso sokulikhulu lamatshumi amane ekhulwini lanxa ezinye inhlanganiso ezinjenge Zimbabwe Teachers Association zisamukela.
****** Umkhokheli weMDC, uMnu. Nelson Chamisa, ukwele South Africa lapho azama ukubonisana loMongameli Cyril Ramaphosa, ukuthi kudingwe indlela zokuxazulula inhlupho ezibhekane leZimbabwe.
****** Namhlanje silethulela isigaba sesithathu senhlelo zethu eziphathelane lodubo lwendlala lapho izakhamizi zesabelweni seMatabeleland South esezilahlekelwe yizifuyo ezinengi ngenxa yokuswelakala kwamanzi lamadlelo.
***** Uhulumende usethumele amapholisa ukuyazingela izizalwane zakwamanye amazwe eziseSouth Africa ngokungekho emthethweni ezihlala elokitshini leDiepsloot eJohannesburg ngesikhathi abokuza abangelamaphepha abahlala elokitshini leRiverpark labo sebetshelwe ukuthi baphume kuleyo ndawo ngokuphangisa.
****** KuLiveTalk namhlanje kuhlelo ‘Diaspora Forum’ sikhangela ukuhlukunyezwa kwabeZimbabwe abaseSouth Africa ngokungekho emthethweni. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.