amalinks wokungena

Breaking News

Inhloko ZeNdaba Zibandlela 29, 2021


Uhulumende seqhelise isikhathi sokuvalwa kwelizwe ngamaviki amabili emizameni yokwenqabela ukumemetheka komkhuhlane weCovid-19. Uhlelo lolu belumele luphele ekupheleni kwalinyanga kodwa umphathintambo wezempilakahle uMnu Constantino Chiwenga wazise namuhla ukuthi bakubone kufanele ukuthi ilizwe liqhubeke livaliwe kuze kuyefika mhlaka 15 ngenyanga ezayo ukuze kwehliswe ingozi yalumkhuhlane.

Kulabantu abangamakhulu edlula amathathu-342, abahlolwe batholakala beleCovid 19, eZimbabwe izolo. Lokhu kukhuphule inani lasebetholakale bele gcikwane leli kusukela lahlasela elizweni kwabazinkulungwane ezedlula amatshumi amathathu lambili- 32,646.

Inhlanganiso ezimelana lokumemetheka kweCovid 19 eMaNdebeleni sebechaze ukuba sebefike esibangeni esiphezulu sokulungiselela ukuthatha izigulane zeCovid-19 lapho umqondisi weI Am for Bulawayo fighting COVID-19 uchaze ukuba sebeqalile ukulungiselela ukwakha eminye imiduli ezenza kubelula ukuhlalisa izigulane zeCovid-19 ngoba iEkusileni Hospital sasakhelwe ukugcina abantu abagula eminye imikhuhkane hatshi iCovid-19.

AbeZimbabwe abasebenza kunhlangothi ezihamba phambili ekulwiseni umkhuhlane weCovid-19, okufana labodokotela kanye labongikazi, balakho ukukhuthwa ngumvuzo welitshe eliligugu eledayimani ozaphiwa izizalwane zeBotswana.

Ezinye izakhamizi zePlumtree ku Ward 8 eBulilima zidinga usizo ngemva kokudilikelwa yizindlu kulandela ukuna kwezulu lesiphepho kulindawo kunsukwana ezedluleyo.

Kuhlelo Woza Friday liviki silomculi wengoma zokholo uVusa Mangena odume ngokuthi ngu Vee Music ecula ekoBulawayo.

Ku Livetalk namhlanje sikhangela ukuqonga kwenani lababanjwa beleCovid 19 eZimbabwe osokubangele ukuqeliswa kwesikhathi seLock ngamanye amaviki amabili.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG